إقترب ميعاد الامتحان وكعادتي وعادة معظم الشباب
الامتحانات بالنسبه
ليهم حرب تأتي علي غفله نستعد لها بالتربيطات مع باقي افراد اللجنه وتوصيات
من الاهل والاحبه واخيرا خط الدفاع
( البرشام )
المهم كان ناقصني
مرجع لأول ماده في الامتحانات وكان باقي علي امتحانها يومين
فرحت مكتبه
الكليه واشتريت الكتاب وقلت علي ما أروح البيت اشوف الفصول اللي أنا
ححتاجها
وبقلب أول صفحه في الكتاب لقيت رساله مكتوبه بقلم حبر علي اول
صفحه في الكتاب
المهم بصيت للاسم اللي علي الكتاب لقيته اسم لبنت فقلت
اما اشوف هيا كاتبا ايه
الرساله:
(( أناعارفا إنك أول ما تقرا الورقة
دي حتنهبل، بس خلّيني أقول لك حاجه.. أنا بصراحة مثلك في الكلية ومقهورة..
ومكتبتش
الكلام ده الا من زهقي وغيظي من الكليه. وعندي إحساس إنك
بتقدّر ظروفي
عشان انت اكيد شكلي عايش نفس الجو )!! يعني الدكتورة
بنت ........
حتموتنا بدري وطبعت رزعت الدكتورة كام شتمه علي الماشي ( دكتورة الماده
طبعا)
وبعدين قالت
" وعموماً فرصة سعيدة جداً إني تعرفت عليك، وأشكرك
على قراءة كلماتي بس والله أنا ما كتبتهاش إلاّ من الغيظ "
واخيراقالت "
أنا فضولية شوي.. ممكن بعد ما تخلّص من الكتاب.. تكتب لي على الوجه الثاني
ردّك ليا..ورجعه وأنا بقرا ردّك.. وإن شاء الله أنا حاجي اشتريه تاني يوم
كذا كذا"
بصيت في التاريخ.. لقيته بكره !!!!!؟
ياساتر طب حاعمل
ايه؟ طيب أنا ما ذاكرتش.. ياربي علي الحظ؟
بصراحه عجبتني طريقه البنت
جديده صح !!!!!؟
المهم أنا قررت أكتب ليها الرد وبعدين ابقي ارجع الكتاب
بعد ما أصور منه الورق اللي انا عايزه
كتبت ليها رد محترم وقلت في
الاخر أنا حابقي اجي اشتريه تاني بعد أسبوع ياريت الاقي الرد
وفعلا رحت
رجعت الكتاب وصاحب المكتبه خده مني بنص تمنه
المهم بعد يومين بعد ما
خلصت الامتحان الحمد لله للي يهمه حليت كويص طبعا
رحت المكتبه وسالت علي
الكتاب لقيته انباع وسالت علي اللي اشتراه رد علي صاحب المكتبه وقالي فيه
بنت جات واشترات
ورجعت المكتبه بعد اسبوع لقيت الكتاب اشتراته ولقيت
الرد رحت كاتب ليها رساله جديده
ورحت مرجع الكتاب تاني طبعا انا بشتريه
بتمنه وبرجعه بنص التمن
المهم قعدت انا وهيا نكتب لبعض3 شهور حتقولي ليه
ما طلبتش تقابلها اريحلك وأوفرلك
موش عارف بس الطريقه كانت عاجباني
شويا كنت حاسس انها طريقه رومانسيه كلاسيكيه انقرضت من زماااااااااااان
المهم
3 شهور والمستفيد الاول المكتبه
ومن كتر ما بقيت اشتري انا وهيا الكتاب
صاحب المكتبه فهم وبقي اول ما دخل المكتبه يدهولي علي طووووول
وفي يوم
رحت اخد الكتاب في ميعادي
رد عليا صاحب المكتبه وقالي في راجل جه اشتري
الكتاب وقلتله انت متأكد قلي
أكيد موش الكتاب الأصفر اللي اسمه .......
المهم
خرجت من المكتبه وانا عايز اقتل صاحب المكتبه وقلت بيني وبين نفسي مين
الراجل اللي يشتري كتاب نص صفحاته مكتوب فيها واتبهدل من كتر شرانا وبيعنا
للكتاب
المهم رحت أركب عشان أروح افتكرت ان الكتاب كان لونه أحمر موش
أصفر
فرجعلي الامل تاني ان الكتاب موجود فرجعت المكتبه بسرعه.
واول
ما دخلت المكتبه لقيت صاحب المكتبه قاعد ومعاه الكتاب بيكتبلي الرد تقريبا
كان نسي الميعاد أو مكنش فاضي يكتبلي الرد علي الرساله
3 شهور وصاحب
المكتبه هو اللي بيكتب الرسايل وانا عمال اشتري وأبيع طبعا حيلاقي
مين
...... شكلي يضحك عليه
يعني طلع أمين المكتبه هو اللي عمال يشيت معايا
علي صفحات الكتاب
ابن اللئيمه !!!!!
بس الحمد لله اكتشفتها بعد ما
ضيعت كل اللي كان معايا علي الكتاب
ربنا علي الظالم والمفتري
منقول من الفيس
